28.06.2024-cü il tarixində "Respublika Gözdən Əlillər Kitabxanası"nda, əməkdaşlarımız
Ayxan Hüseynov və Zəkəriyyə Qurbanovun həm təşkilatçılığı, həm də aparıcılığı ilə
tanınmış yazıçı, psixoloq, teoloq, filosof, şərqşünas alim, araşdırmaçı, tərcüməçi,,
ssenarist, şəxsi inkişaf üzrə mütəxəsis, "Pen Amerika Yazıçılar Birliyi" və "AYB"nin
üzvü, "Qədimqala Nəşriyyatı"nın təsisçisi və elmi heyyətinin rəhbəri Rövşən
Abdullaoğlunun "Elm və Təhsil Nazirliyi"nin VI və VII "Qrand Müsabiqəsi"nin qalibi
olmuş "Üzləşmə" kitabının audio versiyada təqdimatına həsr olunan tədbir keçirilib.
Tədbirdə dəyərli oxucularımızla yanaşı, biribirindən maraqlı və dəyərli qonaqlarımız:
Respublikamızın Əməkdar Artisti, "Sumqayıt Dövlət Dram Teatrı"nın aktiyoru Cəlal
Məmmədov, tanınmış şair, tərcüməçi, "AYB"nin üzvü Giya Paçxataşvili, "1 Nömrəli
Uşaq və Gənclər İnkişaf Mərkəzi"nin vokal üzrə müəllimi Vokalist Aysel Əlizadə, media
nümayəndələri və başqaları iştirak edirdilər.
Tədbirin açılışını edən Ayxan Hüseynov, Rövşən müəllimin yaradıcılıq fəaliyyəti və
tədbirin mahiyyətindən danışdı.
Daha sonra Rövşən müəllimlə bağlı ürək sözlərini deyən Zəkəriyyə Qurbanov,
"Üzləşmə" kitabının səsli versiyada ərsəyə gəlməsi haqqında müfəssəl məlumat verdi.
Öz çıxışında "Üzləşmə" kitabından danışan Zəkəriyyə Qurbanov, bu kitabın təhsil
sistemindəki rolu və "Üzləşmə" kitabının şagirdlər, valideynlər, ümumilikdə orta
məktəblər üçün dərs vəsaiti olduğunu xüsusi olaraq vurğuladı.
Zəkəriyyə Qurbanovun çıxışından sonra yazıçı Rövşən Abdullaoğluna söz verildi.
Rövşən müəllim öz növbəsində hamını salamlayıb, "Üzləşmə" kitabı, audio kitabların
əhəmiyyəti və mütaliə psixologiyası ilə bağlı dəyərli fikirlərinibizimlə bölüşdü.
Rövşən müəllimin çıxışından sonra Ayxan Hüseynov və Zəkəriyyə Qurbanov Rövşən
müəllimlə birlikdə "Üzləşmə" kitabı, "Bu Şəhərdə Kimsə Yoxdur" serialı, yazıçının digər
kitabları və müxtəlif mövzularda oxucularla dərin müzakirə etdilər. Yazıçı Rövşən
Abdullaoğlu Zəkəriyyə Qurbanov, Ayxan Hüseynov, qonaqlarımız və oxucularımızın
suallarını səbr və təmkinlə cavabladı.
Müzakirə zamanı yuxarıda adları çəkilən digər fəxri qonaqlarımız Rövşən Müəllimin
yaradıcılıq fəaliyyəti haqqında səmimi çıxış etdilər. Qonaqlarımızın çıxışından söz
açmışkən qeyd edək ki, "Üzləşmə" kitabını səsləndirən Əməkdar Artist Cəlal
Məmmədov, öz çıxışında "üzləşmə" kitabından çıxartdığı nəticələrdən danışdı. Bir digər
qonağımız Aysel xanım isə, vokal ifaları ilə tədbirimizə xüsusi dəyər qatdı.
Tədbirin sonuna doğru yaxınlaşarkən, Rövşən müəllim tədbirdə əməyi keçən hər kəsə,
xüsusilə, Ayxan Hüseynov və Zəkəriyyə Qurbanova dərin minnətdarlığını bildirdi.
Tədbirin sonunda Ayxan Hüseynov Rövşən müəllimin "Üzləşmə" kitabımdan 2 ədəd
səsli nüsxəni kitabxanamız adından yazıçı Rövşən Abdullaoğluna hədiyyə edərək,
mövsümün final tədbirini bağlı elan etdi.
Xüsusi qeyd:
Əziz oxucular, yazıçı Rövşən Abdullaoğlunun "Üzləşmə" adlı fərdi inkişaf kitabı səsli
versiyada kitabxanamızda mövcuddur.
Xoş mütaliələr.
Hesabatı Hazırladı:
Ayxan Hüseynov